லண்டன் கோவென்ட் கார்டனில் கத்தி தாக்குதல்: நான்கு பேர் காயம், பெண் கைது

லண்டன் நகரின் பிரபலமான சுற்றுலா பகுதியான கோவென்ட் கார்டனுக்கு அருகிலுள்ள எண்டெல் தெரு (Endell Street) பகுதியில் புதன்கிழமை பகல் வேளையில் இந்த தாக்குதல் சம்பவம் நடைபெற்றுள்ளது. பல அரங்குகள் (theatres) அமைந்துள்ள இந்த பகுதி, சுற்றுலாப் பயணிகள் அதிகம் நடமாடும் இடமாக அறியப்படுகிறது.

பிரிட்டிஷ் காவல்துறை வெளியிட்ட அறிக்கையின்படி, தாக்குதலில் காயமடைந்த நான்கு பேரும் ஆண்கள் என்றும், அவர்களது வயது முறையே 34, 39, 42 மற்றும் 52 ஆண்டுகள் என்றும் தெரிவிக்கப்பட்டுள்ளது. காயமடைந்தவர்களை காவல்துறையினர் சம்பவ இடத்தில் கண்டறிந்துள்ளனர். மேலும், சம்பவ இடத்தில் ஒரு கத்தரிக்கோல் (scissors) மீட்கப்பட்டுள்ளதாகவும் தெரிவிக்கப்பட்டுள்ளது.

இந்த தாக்குதலுடன் தொடர்புடையவர் என்ற சந்தேகத்தில் ஒரு பெண் கைது செய்யப்பட்டுள்ளார். மேலும் விபரங்கள் தற்போது வெளியிடப்படவில்லை. காயமடைந்தவர்களின் நிலை குறித்தும், தாக்குதலுக்கான காரணம் குறித்தும் இதுவரை உறுதியான தகவல்கள் வெளியாகவில்லை.

பிரிட்டிஷ் காவல்துறை இந்த சம்பவம் தொடர்பாக விசாரணையை தொடங்கியுள்ளது. கோவென்ட் கார்டன் பகுதி நாள்தோறும் ஏராளமான உள்ளூர் மக்களும் சுற்றுலாப் பயணிகளும் நடமாடும் பகுதி என்பதால், இந்த சம்பவம் பொதுமக்களிடையே அச்சத்தை ஏற்படுத்தியுள்ளது. மேலும் தகவல்கள் வெளியாகும் பட்சத்தில் அவை பகிரப்படும்.