'ஸ்பைடர் மேன்: பிராண்ட் நியூ டே' உலக வசூல் 2 பில்லியன் டாலர் தாண்டியது

டெஸ்டின் டேனியல் க்ரெட்டன் இயக்கத்தில் உருவான 'ஸ்பைடர் மேன்: பிராண்ட் நியூ டே' (Spider-Man: Brand New Day) படம் ஜலை 30ம் தேதி உலகளவில் திரைக்கு வந்தது. வெளியான மூன்றாவது வாரத்திலேயே இப்படம் உலக அளவில் 2 பில்லியன் டாலர் வசூலைக் கடந்து, இதுவரை இந்த சாதனையை எட்டிய எட்டாவது ஹாலிவுட் படமாக வரலாறு படைத்துள்ளது.

இந்த வேகத்தை பொறுத்தவரை, 'அவெஞ்சர்ஸ்: எண்ட்கேம்' (Avengers: Endgame) படத்திற்கு அடுத்தபடியாக மிக விரைவாக 2 பில்லியன் டாலர் வசூலை எட்டிய இரண்டாவது படம் என்ற பெருமையையும் இது பெற்றுள்ளது. படத்தில் டாம் ஹாலண்ட் (Tom Holland) ஸ்பைடர் மேன் கதாபாத்திரத்திலும், ஜெண்டயா (Zendaya) மிஷெல் ஜோன்ஸ் வாட்சன் கதாபாத்திரத்திலும் நடித்துள்ளனர்.

இந்தியாவிலும் இந்தப் படத்திற்கு மாஸான வரவேற்பு கிடைத்துள்ளது. கடந்த சில மாதங்களில் வெளியான 'தி ஓடிசி' (The Odyssey) உள்ளிட்ட ஹாலிவுட் படங்களுக்கு இந்திய திரையரங்குகளில் குறிப்பிடத்தக்க வசூல் கிடைத்திருந்த நிலையில், 'ஸ்பைடர் மேன்: பிராண்ட் நியூ டே' படமும் இந்திய பார்வையாளர்களிடையே பெரும் வரவேற்பைப் பெற்றுள்ளது.

உலகளவில் மார்வெல் திரைப்படங்களுக்கு நீடித்து வரும் பிரபலத்தையும், ஸ்பைடர் மேன் தொடரின் பார்வையாளர்கள் மத்தியிலான செல்வாக்கையும் இந்த வசூல் சாதனை மீண்டும் நிரூபித்துள்ளது. படம் தொடர்ந்து பல நாடுகளில் திரையிடப்பட்டு வரும் நிலையில், வசூல் தொகை இன்னும் அதிகரிக்கும் என எதிர்பார்க்கப்படுகிறது.