பிரான்ஸில் கடும் வறட்சி: குடிநீர் தட்டுப்பாடு, தேனீ உற்பத்தியும் பாதிப்பு

பிரான்ஸ் நாட்டின் கோட் தோர் மாகாணத்தில் உள்ள கின்சி-லெ-விகோம்த் (Quincy-le-Vicomte) எனும் சிற்றூரில் கோடை காலம் தொடங்கியதிலிருந்தே கடும் நீர் தட்டுப்பாடு நிலவி வருகிறது. ஊருக்கு நீர் வழங்கும் ப்ராலெ (Prâles) நீரூற்று, தேவையான அளவு நீரை வழங்க முடியாமல் வறண்டு போயுள்ளது. இதன் காரணமாக, குடிநீருக்காக மக்கள் டேங்கர் லாரிகள் மூலம் கொண்டுவரப்படும் நீரையே நம்பியிருக்க வேண்டிய நிலை ஏற்பட்டுள்ளது. இந்த நீர் விநியோகத்திற்கு பெரும் செலவு ஆவதாகவும், சில ஊர்வாசிகள் தன்னார்வத்துடன் இதற்கு உதவி வருவதாகவும் தெரிவிக்கப்படுகிறது.