பிரான்ஸ்: பாஸ்-து-காலே பகுதியில் தீ விபத்து, 1,200 பேர் வெளியேற்றம்

பிரான்ஸின் வடக்குப் பகுதியில் அமைந்துள்ள பாஸ்-து-காலே (Pas-de-Calais) மாகாணத்தில் நேஃப்சாதெல்-ஆர்தலோ (Neufchâtel-Hardelot) மற்றும் தான் (Dannes) ஆகிய இடங்களுக்கு இடையே பல்வேறு இடங்களில் தீ பரவியுள்ளது. இந்த தீ விபத்தால் பாதிக்கப்படக்கூடிய பகுதிகளில் வசிக்கும் சுமார் 1,200 பேர் பாதுகாப்பான இடங்களுக்கு அவசரமாக அகற்றப்பட்டுள்ளனர்.

தீயை கட்டுப்படுத்தும் பணியில் பாஸ்-து-காலே மாகாண தீயணைப்புப் படையினர் தீவிரமாக ஈடுபட்டுள்ளனர். இதுவரை 23 ஹெக்டேர் நிலப்பரப்பு தீயில் எரிந்து சாம்பலாகியுள்ளதாக தெரிவிக்கப்படுகிறது. மேலும் ஒரு வீடு முற்றிலும் அழிந்துவிட்டது.

தீ பரவலால் பல வீடுகள் மற்றும் ஒரு முகாமிடும் இடம் (camping) அச்சுறுத்தலுக்கு உள்ளாகியுள்ளதாக அதிகாரிகள் தெரிவித்துள்ளனர். பொது மக்களின் பாதுகாப்பைக் கருத்தில் கொண்டு, மோன் சான்-ஃப்ரியூ (Mont Saint-Frieux) பகுதியில் அமைந்துள்ள மணல் மேடுகள் பொதுமக்கள் நுழைவுக்கு தற்காலிகமாக மூடப்பட்டுள்ளன.

தீயணைப்புப் படையினர் தீயை கட்டுப்படுத்தும் பணிகளில் தொடர்ந்து ஈடுபட்டுள்ளனர். தீ ஏற்பட்ட காரணம் குறித்து இதுவரை உறுதியான தகவல் வெளியிடப்படவில்லை. பாதிக்கப்பட்ட பகுதி மக்களின் பாதுகாப்பு உறுதி செய்யும் பணிகள் தொடர்ந்து நடைபெற்று வருகின்றன.