பிரான்ஸில் தீயணைப்பு பணிக்கு தனி அமைச்சர் தேவை: தொழிற்சங்கம் கோரிக்கை

பிரான்ஸில் அண்மைக் காலமாக அதிகரித்து வரும் காட்டுத் தீ சம்பவங்களைச் சமாளிக்க போதுமான வளங்களும் பணியாளர் எண்ணிக்கையும் இல்லை என்ற குற்றச்சாட்டு எழுந்துள்ளது. இது தொடர்பாக Yonne பிராந்தியத்தைச் சேர்ந்த Sud Sdis தொழிற்சங்கத்தின் பிரதிநிதி ஒருவர், சிவில் பாதுகாப்புத் துறையை நேரடியாக நிர்வகிக்கும் ஒரு தனி, முழுநேர அமைச்சர் நியமிக்கப்பட வேண்டும் என்று கோரிக்கை விடுத்துள்ளார்.

தற்போது பிரான்ஸின் உள்துறை அமைச்சராக பணியாற்றும் Laurent Nuñez, நாட்டின் காவல்துறையை நிர்வகிப்பதில் முக்கியப் பொறுப்பு வகித்தாலும், தீயணைப்பு படையினரின் தலைமைப் பொறுப்பு அவரிடம் இல்லை என்பதே தொழிற்சங்கத்தின் முக்கிய குறையாக முன்வைக்கப்பட்டுள்ளது.