பிரான்ஸ்: லோசேர் மாகாணத்தில் காட்டுத் தீ, 100 ஹெக்டேர் காடு எரிந்து சாம்பல்

பிரான்ஸ் நாட்டின் தென் பகுதியில் அமைந்துள்ள லோசேர் (Lozère) மாகாணத்தில் புதிதாக ஒரு காட்டுத் தீ விபத்து பரவியுள்ளது. ஆகஸ்ட் 9ஆம் தேதி ஞாயிற்றுக்கிழமை நண்பகல் வேளையில், மாசெக்ரோ கோஸ் கோர்ஜ் (Le Massegros Causses Gorges) எனும் நகராட்சிப் பகுதியில் இந்த தீ பரவத் தொடங்கியது. உள்ளூர் அதிகாரிகளின் தகவலின்படி, ஒரு காரில் ஏற்பட்ட தீ விபத்தே இந்த பெரும் காட்டுத் தீக்கு காரணமாக இருக்கலாம் என சந்தேகிக்கப்படுகிறது. குறுகிய நேரத்திலேயே தீ வேகமாக பரவி, சுமார் 100 ஹெக்டேர் பரப்பளவு கொண்ட காடு எரிந்து சாம்பலாகியுள்ளது. தீயை அணைக்கும் பணியில் சுமார் 300 தீயணைப்பு வீரர்கள் ஈடுபடுத்தப்பட்டுள்ளனர். பாதுகாப்பு காரணங்களுக்காக, சம்பவ இடத்திற்கு அருகிலுள்ள இரண்டு சிற்றூர்களில் வசிக்கும் மக்கள் வெளியேற்றப்பட்டனர். சுமார் இருபது வீடுகளை காலி செய்யுமாறு அதிகாரிகள் அறிவுறுத்தியுள்ளனர். தீயணைப்பு பணிகள் தொடர்ந்து நடைபெற்று வருகின்றன. கோடைகால வெப்பம் மற்றும் வறண்ட காலநிலை காரணமாக பிரான்ஸ் நாட்டின் பல பகுதிகளில் காட்டுத் தீ ஆபத்து அதிகரித்து வருவதாக தீயணைப்புத் துறையினர் தெரிவித்துள்ளனர். இது தொடர்பான மேலதிக தகவல்கள் இன்னும் வெளியாகவில்லை.