இந்தோனேசியாவில் பயணிகள் படகில் தீ விபத்து: 5 பேர் பலி, 41 பேர் காணாமல்

இந்தோனேசியாவின் மதுரா (Madura) தீவுக்கு அருகிலுள்ள கடல் பகுதியில் பயணித்துக் கொண்டிருந்த ஒரு படகில் திடீரென தீ பற்றியதால் பெரும் விபத்து நிகழ்ந்துள்ளது. இந்த படகில் மொத்தம் 271 பேர் பயணித்து வந்ததாக அறிக்கைகள் தெரிவிக்கின்றன.

தீ விபத்தில் இதுவரை 5 பேர் உயிரிழந்துள்ளதாக உறுதி செய்யப்பட்டுள்ளது. மேலும் 41 பேர் இன்னும் காணாமல் போயுள்ளதாக பிபிசி நியூஸ் (BBC News) மற்றும் அடா தெரண (Ada Derana) ஆங்கில செய்தி ஊடகங்கள் தெரிவித்துள்ளன.

படகில் இருந்தவர்களில் பெரும்பாலோர் பாதுகாப்பாக மீட்கப்பட்டதாகவும், மீட்பு பணிகள் தொடர்ந்து நடைபெற்று வருவதாகவும் தெரிவிக்கப்படுகிறது. எவ்வாறு தீ பரவியது என்பது குறித்த விபரங்கள் இதுவரை உறுதிப்படுத்தப்படவில்லை.

இந்தோனேசிய கடலோர பாதுகாப்பு மற்றும் மீட்புப் படையினர் காணாமல் போனவர்களைத் தேடும் பணியில் ஈடுபட்டுள்ளதாகக் கூறப்படுகிறது. மேலும் தகவல்கள் வெளியாகும் வரை, இழப்புகளின் எண்ணிக்கை மாறுபடக்கூடும் என எதிர்பார்க்கப்படுகிறது.

இந்தோனேசியாவில் கடல் மற்றும் படகு விபத்துகள் அடிக்கடி நிகவரப்படுவது குறிப்பிடத்தக்கது. இத்தகைய சம்பவங்களில் பயணிகளின் பாதுகாப்பு தொடர்பான கேள்விகள் மீண்டும் எழுந்துள்ளன.