இதாலியில் உக்ரைன் ஆதரவு பிரச்சினை - 2027 தேர்தல் பிரசார பொருளாகும் அபாயம்

இதாலியில் 2027ஆம் ஆண்டு நடைபெறவுள்ள பொதுத் தேர்தலுக்கு முன்னதாக, உக்ரைனுக்கு வழங்கப்படும் இராஜதந்திர மற்றும் இராணுவ ஆதரவு குறித்த விவகாரம் அரசியல் பிரச்சார பொருளாக மாறும் சாத்தியம் உள்ளது என தெரிவிக்கப்படுகிறது. இந்த உதவி தொடர்பாக நாட்டின் பல்வேறு அரசியல் தரப்புகளிடையே கடும் கருத்து வேறுபாடு நிலவுகிறது.

தீவிர வலதுசாரி கட்சியான ‘லீக்’ (La Ligue) மற்றும் முன்னாள் ராணுவ தளபதி ரொபெர்ட்டோ வான்னாச்சி (Roberto Vannacci) தலைமையிலான ‘ஃபியூச்சர் நேஷனல்’ (Futur national) கட்சி, உக்ரைனுக்கு வழங்கப்படும் உதவியை உடனடியாக நிறுத்த வேண்டும் என கோரிக்கை வைத்துள்ளன. இந்த இரு கட்சிகளும் இதாலி பிரதமர் ஜியோர்ஜியா மெலோனி (Giorgia Meloni) தலைமையிலான கூட்டணி அரசில் இடம்பெற்றுள்ளன என்பது குறிப்பிடத்தக்கது.

எதிர்க்கட்சியான ஐந்து நட்சத்திரங்கள் இயக்கம் (Mouvement 5 étoiles) கூட இதே கருத்தை முன்வைத்துள்ளது. மேலும், இந்த இயக்கம் இதாலியின் இராணுவ மறு ஆயுதமயமாக்கல் திட்டங்களுக்கும் கடும் எதிர்ப்பு தெரிவித்துள்ளது.

மறுபுறம், பிரதமர் மெலோனியின் கட்சி மற்றும் அவரது கூட்டணியில் உள்ள மற்ற தரப்புகள் உக்ரைனுக்கான ஆதரவை தொடர வேண்டும் என்ற நிலைப்பாட்டில் உள்ளன. இதன் காரணமாக, ஆளும் கூட்டணிக்குள்ளேயே இந்த விவகாரம் பிளவை ஏற்படுத்தியுள்ளது.

ரஷ்யா-உக்ரைன் போர் தொடர்ந்து நீடித்து வருகின்ற நிலையில், ஐரோப்பிய நாடுகளிடையே உக்ரைனுக்கான உதவி தொடர்பான கருத்து வேறுபாடுகள் அதிகரித்து வருவது கவனிக்கத்தக்கது. 2027ஆம் ஆண்டு தேர்தல் நெருங்கும் வேளையில், இந்த பிரச்சினை இதாலியின் அரசியல் களத்தில் முக்கிய பேசுபொருளாக மாறக்கூடும் என அரசியல் ஆய்வாளர்கள் தெரிவிக்கின்றனர்.