அமெரிக்கா அணு ஒப்பந்தை மீறியதாக ஈரான் மீள் குற்றச்சாட்டு

ஈரான் வெளியுறவு அமைச்சக செய்தித் தொடர்பாளர் எஸ்மாயில் பாகாயி (Esmaeil Baghaei), ஜூன் மாதம் மேற்கு ஆசியப் பிராந்தியத்தில் மோதலுக்கு முற்றுப்புள்ளி வைக்கும் நோக்கில் ஏற்படுத்தப்பட்ட ஒப்பந்தத்தை அமெரிக்கா மீண்டும் மீறியதாக குற்றம் சாட்டியுள்ளார். இதற்கு முன்னரும் இதுபோன்ற குற்றச்சாட்டுகளை ஈரான் எழுத்தியிருந்தது என்பது குறிப்பிடத்தக்கது.

அமெரிக்க அதிபர் டொனால்ட் ட்ரம்ப் (Donald Trump), ஞாயிற்றுக்கிழமை ஈரானுடன் பேச்சுவார்த்தைகள் நடைபெறுவதாகக் கூறியிருந்தார். ஆனால், இதை பாகாயி முற்றிலும் மறுத்துள்ளார். தற்போது அமெரிக்காவுடன் எந்தவிதமான பேச்சுவார்த்தையும் நடைபெறவில்லை என்று அவர் திட்டவட்டமாகக் கூறியுள்ளார். இதன்மூலம் அமெரிக்க அதிபரின் கூற்றுக்கும் ஈரானின் அதிகாரப்பூர்வ நிலைப்பாட்டுக்கும் இடையே முரண்பாடு ஏற்பட்டுள்ளது.

இதேவேளை, ஓமான் நாட்டுடன் ஈரான் தற்போது பேச்சுவார்த்தைகளில் ஈடுபட்டுள்ளதாகவும் பாகாயி தெரிவித்துள்ளார். ஹோர்முஸ் நீரிணையில் (détroit d'Ormuz) பாதுகாப்பான கடல்வழிப் போக்குவரத்தை உறுதி செய்யும் நோக்கிலேயே இந்த பேச்சுவார்த்தைகள் நடத்தப்படுகின்றன. உலகின் மிக முக்கியமான எண்ணெய் போக்குவரத்து வழிகளில் ஒன்றான இந்த நீரிணை, பிராந்திய பதற்றங்களின்போது எப்போதும் கவனத்தை ஈர்க்கும் இடமாக உள்ளது.

ஜூன் மாதம் ஏற்பட்ட ஒப்பந்தத்திற்குப் பின்னரும் ஈரானுக்கும் அமெரிக்காவுக்கும் இடையே நம்பிக்கை பூர்வமான உறவு உருவாகவில்லை என்பதை இந்த சமீபத்திய குற்றச்சாட்டுகள் காட்டுகின்றன. மேற்கு ஆசியாவில் நிலவும் பதற்றமான சூழல் தொடர்ந்து உலக நாடுகளின் கவனத்தை ஈர்த்து வருகிறது.